Quandu 'mmanu lu trecentu
Te la Crecia a qquai vanira
A sta cuntrata cusì beddha
Quista 'nzegna 'nde mintira.

Nu caddhuzzu bruccularu
Cu na crista schiattaddhusa,
foe lu segnu pe' tant'anni
, te Caddhipuli carusa.

. St'annimale cusì beddhu
Ca cusine picca 'ndane
Lu criscira a mundhicheddre
Nde calara puru fave.
Quistu simbulu fetele,
te Caddhipuli lu vantu
quando tutti ddisciatau
cu nde sentene lu cantu.    

Sia cu Turchi e Veneziani,
ndà passate puru brutte
ma è rumastu sempre ddhai
L'ave vinte sempre tutte.

Ndave viste cotte e crute
pe tant'anni ddhai mpizzatu
ma, nu ppotte mai cuntare
Ca sinò pardia lu fiatu

Lu mintira allu tarloce
su la chiazza e ogni vanda
sulle coppule a' bandisti
Ca sunavene alla banda.

Mò Caddhipuli sta dorme
cu nu sonnu propriu a 'nchinu
nu lu pote ddisciatare,
ddevantau nu Puricinu !!!!